أعلنت شركة هونر عن موبايلها الجديد في الفئة المتوسطة العليا وهو الهونر 90 عشان ينافس بيه في تلك الفئة السعرية واللي بتقدم الكثير من المميزات زي مثلا ان الموبايل ده تصميمة مميز وأنيق جدا علي مستوي الشكل.
وكمان الشاشة اللي بتيجي في الموبايل علي شكل منحني الأطراف دا غير انها من نوع اموليد ومساحتها كبيرة توصل 6.7 بوصة وتردد 120 هرتز وأقل معدل للوميض عشان يريح العين في الاضاءات القليلة
وكمان بيستخدم معالج Snapdragon 7 Gen 1 Accelerated Edition وبطارية كبيرة 5000 مللي أمبير بتدعم الشحن السريع بقوة 66 واط، ومن أهم المميزات اللي بيتميز بيها الموبايل ده قوة التصوير، فالكاميرا الخلفية بدقة 200 ميجا بكسل والكاميرا الأمامية بدقة 50 ميجا بكسل
تعال بقا نتعرف على مواصفات سريعة للموبايل ده وأهم مميزاته وعيوبه وهل يستحق الشراء ولا لأ في السطور اللي جاية.
مواصفات سريعة لموبايل HONOR 90
- الشاشة: بتصميم منحني الأطراف من نوع اموليد بمساحة 6.7 إنش بدقة الـ 1200×2664 بكسل، بمعدل تحديث 120 هيرتز
- المعالج: من نوع Snapdragon 7 Gen 1 Accelerated Edition بتكنولوجيا 4 نانو مع معالج رسومي من نوع Adreno 644وهو الإصدار المحسن من الجيل الأول للمعالج ده.
- الذاكرة: نسختين 256/512 جيجا بايت للذاكرة التخزين ونسختين أيضا من الذاكرة العشوائية 8/12 جيجا بايت
- الكاميرا: الخلفية مقدمة بثلاث كاميرات 200+12+2 ميجا بكسل والكاميرا الامامية 50 ميجا بكسل
- البطارية: 5000 مللي أمبير
- نظام التشغيل: اندرويد 13 مع واجهة هونر الـ MagicOS 7.1
مميزات الهاتف
- اهم المميزات اللي بيقدمها الموبايل وهي في البداية مستشعر البصمة بيجي تحت الشاشة وبيقدم أداء قوي واستجابة سريعة، يعني هتفتح الموبايل بسرعة من غير ما نضطر نكتب الباسورد.
- الشاشة كبيرة منحنية الاطراف، وبتتميز بدقة مقبولة جداً، يعني ممكن تستمتع بمشاهدة الفيديوهات أو الألعاب بدون مشاكل وكمان مساحتها كبيرة 6.7 بوصة بدقة الـ 1200×2664 بكسل بمعدل كثافة بكسلات 435 بكسل لكل بوصة ودا اللي هيخلي تجربة الألوان ومشاهدة الفيديوهات ممتازة
- دا غير ان الشاشة كمان بتدعم معدل تحديث مرتفع يصل الي 120 هيرتز واللي بيخلي استخدام الشاشة في التصفح والألعاب قوي وسلس جدا مع دعم خاصية الـ HDR10+ دا غير انها بتدعم أكثر من مليار لون
- اما استخدامها تحت اشعة الشمس فهتلاقيها ممتازة ويمكن احسن من بعض الموبايلات في الفئة السعرية دي بسبب ان سطوعها يصل الي 1600 شمعة والمميز ان الشاشة هي الأقل في معدل الوميض Flickering بمعدل 3840Hz PWM dimming
- الكاميرات اللي بيقدمها الموبايل واحدة من اقوي كاميرات الفئة السعرية دي فسواء بقا الأمامية اللي بتيجي بدقة 50 ميجا بكسل واداءها خرافي في الاضاءات القوية وبتسمح لكمية ضوء كبيرة اوي انها تدخل الكاميرا وبالتالي الصور بالليل بتبقي حلوة اوي بردو
- او حتي الكاميرات الخلفية واللي بتقدم تجربة ممتازة في التفاصيل بسبب الدقة المرتفعة اوي لانها بتيجي بدقة 200 ميجا بكسل وكمان التصوير بورترية اللي بيدعم تقريب حتي مرتين تقريب بصري بدون فقدان أي تفاصيل دا غير انه بشكل عام مميز بالكاميرا يعني ممكن نصور صور بخلفية معزولة بشكل احترافي زي الكاميرات.
- يدعم الهاتف تصوير الفيديوهات بجودة الـ 4K بدقة 2160 بكسل بمعدل التقاط 30 إطار في الثانية بالكاميرا الخلفية والامامية، يعني هتصور فيديوهات بجودة عالية من كل الكاميرات ودي ميزة قوية مش موجودة تقريبا في معظم موبايلات الفئة السعرية دي.
- المعالج بيجي من شركة كوالكم من نوع Snapdragon 7 Gen 1 Accelerated Edition بتكنولوجيا 4 نانو وكمان المعالج الرسومي للألعاب من نوع Adreno 644 وطبقا للي صرحت بيه شركة هونر وبشكل رسمي أن الإصدار دا من المعالج هو المحسن من الجيل السابق الـ Snapdragon 7 Gen 1 حيث يقدم أداء أسرع سواء في الألعاب أو المهام اليومية، يعني ممكن نلعب الألعاب أو نشغل التطبيقات بدون مشاكل.
- البطارية كبيرة السعة 5000 مللي أمبير يعني ممكن تستمر معاك لفترة طويلة خلال اليوم، وكمان بتدعم الشحن السريع بقوة 66 واط، يعني ممكن تشحنها بسرعة مع السعة الكبيرة للبطارية تقدر تستخدمها باور بانك وتشحن منها لانها بتدعم الشحن العكسي بقدرة 5 واط.
عيوب الهاتف
- بعض العيوب في الموبايل واللي هنبتديها بالسماعات الخارجية اللي كنا نتمنى أن تأتي السماعات الخارجية بصوت ستيريو، عشان نقدر نستمتع بالصوت أكتر، بس لسه بيدعم ميكروفون إضافي لعزل الضوضاء في المكالمات
- الخامات خامات الموبايل بلاستيكية بالكامل سواء الظهر او حتي الاطار ودا اللي هيخليها الأقل بين المنافسين في الفئة السعرية دي ودا لان فيه منافسين بتستخدم خامات أفضل.
- وبالنسبة لمقاومة الماء في الموبايل فما فيهوش شهادة مقاومة معتمده للماء، يعني لازم نكون حريصين عليه من المياه او حتي الأماكن اللي فيها غبار علشان ميحصلش حاجة للموبايل.
- كارت الميموري الموبايل ما بيدعمش إمكانية تركيب كارت ميموري، بس مش مشكلة لأن الموبايل بذاكرة تخزين كبيرة.
- سماعات الأذن الموبايل ما بيدعمش منفذ الـ 3.5 ملم الخاص بسماعات الأذن، ممكن نستخدم سماعات بلوتوث أو نستخدم محول او سماعة من نوع Type-C ودي غاليه اوي.
- مستشعر التقارب الخاص بالمكالمات يحتاج الي تحديث، عشان يقدر يشتغل بشكل أفضل.
- الموبايل لغايه دلوقتي مأعلنوش عن انه بيدعم خاصية التوصيل القريب الـ NFC ونتمني يكون بيدعمها لانه لو مش موجودة هتبقي عيب كبير في الموبايل
سعر الجهاز
- السعر في مصر للنسخة الـ 256 جيجا مع 8 جيجا رام بسعر حوالي 19000 جنية مصري
- وسعر النسخة الـ 512 جيجا مع 12 جيجا رام بسعر حوالي 22000 جنية والنسختين بيجو في المحلات بضمان دولي.
- وننتقل الي السعر في السعودية للنسخة 256 جيجا مع 8 جيجا رام بسعر 1700 ريال سعودي
- والنسخة الـ 512 جيجا مع 12 جيجا رام بسعر 2100 ريال سعودي.
- في الإمارات بقا سعر الموبايل للنسخة 256 جيجا مع 8 جيجا رام بسعر 1600 درهم اماراتي
- والنسخة الـ 512 جيجا مع 12 جيجا رام بسعر 2000 درهم اماراتي.
تقيمنا للموبايل
الموبايل بشكل عام، يعد هاتف HONOR 90 موبايل كويس، بيقدم قيمة كويسة مقابل السعر. الموبايل بيتميز بأداء قوي وشاشة مميزة وكاميرا قوية وبطارية كبيرة بس لو كنت بتدور على موبايل بأداء قوي وشاشة مميزة وكاميرا قوية وبطارية كبيرة، فإن هاتف HONOR 90 خيار كويس بالنسبة لك. بس لو كنت بتدور على موبايل بخامات مميزة أو يدعم إمكانية تركيب كارت ميموري أو منفذ الـ 3.5 ملم أو شهادة مقاومة معتمده للماء، فقد ترغب في التفكير في خيارات أخرى في نفس الفئة السعرية.
